亞繼、亞輝、亞倫、亞寶，四個昔日同窗老死.....

九歲的時候是這樣，十年過去，又變成怎樣？

再十年過去，他們.....

唔覺唔覺又偷咗咁多日懶添，等我記低呢幾日嘅點滴心得同啟發先。

驚蟄啱啱過咗冇耐，其實我阿媽叫咗我幾次落街打小人，但係後生遙遙一個女仔人家，呢啲嘢點做呀？（如果住近鵝頸橋，都會考慮落街俾錢啲阿婆駛嘅）結果冇理佢。

只不過係提過下工作上嘅不愉快事件，加上今年又犯太歲，阿媽就已經叫我去打小人。唉，其實我身邊真係小人氾濫，不過呢啲嘢自己受咗就算啦，無謂四圍唱開，搞出更多是非，令到更多人唔開心。

啱啱放完兩日假，雖然行程緊密－－睇咗兩套戲一套劇慶咗個功陪朋友食飯去男友家做節仲有馬拉松煲日劇慶元宵....但係個心完完全全唔諗做嘢真係勁舒服，完全感受到個腦終於可以休養生息，一萬個放心＋放鬆，very relax！

我知個假唔會長，因為呢個其實唔係一個假，不過係我早咗完工但又唔話俾老細聽，咁咪偷到兩日雞蛇下王囉，所以好快又要開工喇。不過有得抖下真係唔同啲，叉完電點都精神啲啦，之前果啲呆呆滯滯唧都唔笑即刻一掃而空，好易笑得出又唔會亂咁發脾四。

正當我好開心我變返一個正常人之際，竟然收到以下一個email，話俾我聽，原來我重係喺瀕死邊緣？！

尋晚凌晨三點瞓，瞓到今日下晝四點幾至起身，咁耐以嚟第一次唔駛擔心趕工瞓返覺安安樂樂嘅，瞓到飽為止，正呀！

原來我已經咁耐冇郁過個竇口，都封晒塵積晒蠄蟧絲網囉，撞鬼！

終於有時間坐落嚟，打返幾粒字仔，點知一時間竟然唔知道講咩嘢好？ 

先至07年第一個月，眼見今個月恐怕又要創最低篇數新紀錄喇......而且好耐都冇去探下啲隔離鄰舍朋友仔lu......

無奈真係多野做到發癲，日日冇停手，除夕、新年同生日都喺工作中度過，似乎嚟緊嘅情人節同農歷年都會係咁......咁.....唯有忍痛擺底個Blog一排先喇......

希望我好快可以返返嚟啦！

見到金婆婆寫咗篇讀書時候的曵 (PG)，我都嚟一篇湊下熱鬧先！

同婆婆相反，我本來係一個好不羈嘅小朋友，因為細個果陣我雙親都要做野，得阿嫲湊我，而佢係採取無為而治嘅，所以做就咗我好狂放任意妄為嘅性格！

直到我細佬出世，我阿媽至辭職唔做，全職教仔，佢係採取嚴厲高壓嘅管治政策，因此表面上我係乖咗好多架－－不過有所謂三歲定八十，骨子裡我已經「壞」咗，所以扮乖嘅表面之下，其實我都做咗唔少曳野！

以下果啲係可以喺度見光嘅：

各位鮮奶國鄰居：

Happy New Year 2007 !!!

前一篇至讚完Web2.0世代帶來方便，話口未完，就要迎接冇網上既惡耗......

google上唔到，搵唔到資料做野......

yahoo入唔到，email來往既客戶資料、意見內容，全部睇唔返....又唔可以用email同客戶溝通、交收，工作好大問題呀....

就黎deadline要交野，都唔知點交添呀.....唔通要燒隻碟親身拎去交?!嗚~~~